கொரோனா வைரஸ் பரவுதலை தொடர்ந்து கணித்து உலக சுகாதார மையம் மற்றும் worldometers.info என்ற இணையதளம் ஒன்றும் இதுவரை தினமும் அறிக்கை வெளியிட்டு வருகின்றது. இந்த நிறுவனம் வெளியிட்டுள்ள அறிக்கையின் அடிப்படையில் இதுவரை இந்த நோயின் காரணமாக உலக அளவில் அபாயகரமாக சுமார் 9 லட்சத்திற்கும் அதிகமான மக்கள் பாதிக்கப்பட்டுள்ளதாகவும். இந்த நோய் தாக்கி இதுவரை உலக அளவில் சுமார் 40,000-க்கும் அதிகமான மக்கள் இறந்துள்ளதாகவும் தெரிவிக்கப்பட்டுள்ளது. அதே சமயம் சுமார் 1,95,143 பேர் இந்த கொரோனா நோயில் இருந்து குணமடைந்துள்ளதாகவும் அந்த நிறுவனம் தெரிவித்துள்ளது.
அதேப்போல அந்த நிறுவனம் வெளியிட்டுள்ள அறிக்கையின் அடிப்படையில் மலேசியாவில் இதுவரை சுமார் 2908 பேர் இந்த நோயின் காரணமாக பாதிக்கப்பட்டுள்ளதாகவும், அதே போல இந்த நோயின் காரணமாக மலேசியாவில் 45 பேர் இறந்துள்ளதாகவும் தகவல்கள் தெரிவிக்கின்றது. அதே போல சுமார் 645 பேர் இந்த நோயில் இருந்து குணமடைந்துள்ளதாக தகவல்கள் வெளியாகி உள்ளது. அதே போல மலேசியாவை பொறுத்தவரை புதிதாக நோயினால் பாதிக்கப்படுபவர்களின் எண்னிக்கை குறைந்து வருவதாகவும் கூறப்படுகிறது.
நிலவும் இந்த இக்கட்டான சூழலை சமாளிக்க மலேஷியா அரசு பல வகையில் போராடி வருகின்றது. மக்களும் தற்போது விதிக்கப்பட்டிருக்கும் பொது நடமாட்டக் கட்டுப்பாட்டிற்கு உதவுமாறும் அரசு கோரிக்கை விடுத்துள்ளது.